உளச்சுகாதாரமும் அதன் அடிப்படைகளும்

உளச்சுகாதாரம் (Mental health): நன்னிலை (Well Being) என்பதற்கு நாம் சுகம், நலம், ஆரோக்கியம் போன்ற சொற்களை பல சந்தர்ப்பங்களில் பயன்படுத்துகின்றோம். ஆனால் நாம் அதிகமாக உடல் சார்ந்த விடயங்களையே கருத்திற்கொள்கின்றோம். ஆனால் இப்பிரயோகம் அதனை விட மிகப்பரந்த வகையில் பயன்படுத்தப்படுகின்றது. ஆரோக்கியம் என்பது நோய் நிலைகளிலும், இயலாமையிலிருந்தும் விடுபட்ட நிலை மாத்திரமல்ல...

மாறாக ஒருவர் தன் உடல், உள, சமூக, ஆத்மீகம் சார்ந்து அடையக்கூடிய அதியுயர்ந்த நன்னிலையே ஆரோக்கியமாகும். இது மனிதனது பிறப்புரிமைகளில் ஒன்றாகும்.

உடல் சார்ந்த நன்னிலை என்னும்போது நிறையுணவு, சுறுசுறுப்பு, வயதிற்கேற்ற தோற்றம், நிறை, ஓய்வு, நோயற்ற நிலமை போன்றவற்றைக் குறிப்பிடலாம். அவ்வாறே உளம் சார் நன்னிலை எனும்போது மகிழ்ச்சி, அன்பு, பாசம், நம்பிக்கை, பாதுகாப்புணர்வு என்பனவற்றைக் குறிப்பிடலாம். சமூகம் சார் நன்னி;லை எனும்போது புரிந்துணர்வு, ஒற்றுமை, சமாதானம், நல்லுறவு, விட்டுக்கொடுப்பு, உதவிசெய்தல், ஒருவரையொருவர் மதித்தலைக் குறிப்பிடலாம்.

அவ்வாறே ஆத்மீகம் சார் நன்னிலை எனும்போது இறைபக்தி, ஒழுக்கம், கருணை, நன்னடத்தை போன்றவற்றைக் குறிப்பிடலாம். இவற்றிற்கிடையில் காணப்படும் சமநிலையான போக்கையே முழுமையான நன்னிலை (collective well being) எனக்குறிப்பிடலாம். எனவே நன்னிலை எனும்போது திருப்தியானதும், ஆறுதலானதுமான ஒரு நிலையைக் குறிக்கின்றது. எனவே தன்னைப்பற்றிய ஒரு திருப்தியும் ஆறுதலும் அடைதலையே நன்னிலை என வரையறுக்கலாம்.

இவ் நன்னிலையையே உளநலம் என குறிப்பிடலாம். ஒருவரது உடல் தொழில்பாட்டில் உடலியல், சமூக, உள, உணர்வு. கலாசார உலகியல் பரிமாணங்களின் விளைவாக ஏற்படும் உணர்வு ரீதியானதும் உறவு ரீதியானதுமான ஒரு நிலையைக் குறிக்கின்றது.

இங்கு உணர்வு ரீதியான மனோபாவங்களும் வேறுபாடுகளும் மனித வாழ்வில் சமமாக இருக்கும் அதேவேளை தனி நபரது உள நலனுக்கு உணர்வு ரீதியான மீள் திறன் (resilience) திருப்தி, பாதுகாப்புணர்வு, நம்பிக்கை என்பன அவசியமாகும். மேலும் அன்பு காட்டலும், அன்பு காட்டப்படுகின்றோம் என்ற உணர்வும் மிகவும் முக்கியமாகும்.

உள நலத்தில் செல்வாக்குச் செலுத்தும் காரணிகள்

இக்காரணிகளை நான்கு வகைகளாக வகுக்கலாம்

1. உயிரியல் ரீதியான காரணிகள்